سكشن العاب محاضرات هندسة فرق اغانى افلام امتحانات اكاديميات برامج 2010 نورتون مكافى

تم تشغيل نظام التسحيل عبر FACEBOOK 
فقط اضغط زر تسجيل ثم وافق على الشروط
واربط حسابك بالمنتدى

وانتهى
 


    و بعد غياب طويييييييل....عودة قوية لنكت اىىىىىىىىى

    شاطر
    avatar
    eltaier
    نائب المدير
    نائب المدير

    ذكر عدد الرسائل : 118
    السٌّمعَة : 6
    نقاط : 6
    تاريخ التسجيل : 15/11/2007

    و بعد غياب طويييييييل....عودة قوية لنكت اىىىىىىىىى

    مُساهمة من طرف eltaier في الخميس نوفمبر 13, 2008 9:27 pm

    &&&&&&&&&&&&&&&&
    واحد اتحشر في زحمة المرور فلقى واحد بيخبطله على شباك السيارة
    فتح الشباك و سأله عايز ايه
    قاله : الرئيس بوش خطفوه و الفدية 5$ مليون دولار
    ولو الفدية ماتدفعتش .. الخاطفين هددوا يدلقوا عليه بنزين و يولعوا فيه
    و حنا بنجمع تبرعات .. تحب تشارك ؟
    الرجل سأل: وفي المتوسط الناس بتتبرع بكام
    الرجل الثاني : " من 5 الى 10 لتر بنزين" !
    &&&&&&&&&&&&&&&&
    واحد كل يوم يطلع من الجمرك بالموتسيكل وشايل صندوق صغير وراه
    مفتش الجمرك يقوله فيه ايه في الصندوق يقوله مافيش ويديله ساعة يد ويقوله عديني يروح معديه
    ومره المفتش قال له افتح الصندوق قاله مفيش داعي قاله افتح الصندوق ففتح الصندوق لاقاه فاضي
    قاله ادفع نص عمري واعرف انت بتهرب ايه .. ولو قلت لي الصراحة هاخليك تعدي لو شايل جمل
    قاله احلف وانا اقولك .. حلف المفتش .. قاله انا باهرب موتسيكلات
    &&&&&&&&&&&&&&&&
    قاله افتح المروحه على الاخر واقعد ادمها هيطير منك الحشرات

    عمل كده وبعدين نام وصحى سمع صوت الحشرات بتقول : امبارح كان فيه عاصفه لكن محدش مننا مات
    راح تانى للدكتور قاله منفعش الحل ده
    الدكتور قاله خلاص اركب عربيه واطلع على اخر سرعه وطلع دماغك من الشباك
    عمل كده وهو مروح من عند الدكتور
    وروح نام وصحى سمعهم بيقولوا : امبارح حصل عاصفه شديده قوى ومافيش حد مات
    قام رايح للدكتور تانى وقاله الحل منفعش انا عاوز اخلص بقى
    قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك علطول
    ام راح عمل كده ونام وصحى الصبح سمعهم بيقولوا :
    امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التاني
    &&&&&&&&&&&&&&&&
    واحده ست كان عندها كلب كانت بتحبه قوى
    وفى يوم جوزها جالوا اعاره لبلد عربى فمعرفتش تسفر الكلب بتعها فسبتوه مع اخوهه
    بعد ماسافرت كانت كل اسبوع بتتصل تطمن على الكلب
    المهم الكلب مات فاخوها اتصل بيها وقالها على اللى حصل
    راحت اخته اغمى عليها و جالها اكتئاب بعدها و مكنتش بتكلم حد بعديها خالص
    فجوزها اتصل باخوها قال له انت ازاى تقول لها كده مره واحده كنت تقولها واحده واحده
    يعنى مره الكلب نزل يلعب فى الشارع و مره الكلب خبطته عربيه و مره الكلب فى المستشفى و حالته خطيره
    وفى الاخر الكلب مات !!
    راح اخوها قاله حاضر لو حصل حاجه بعد كده حاخذ بالى
    بعد اسبوعيين اخوها اتصل بجوزها وقاله أمك نزلت تلعب فى الشارع
    &&&&&&&&&&&&&&&&
    مدرس ودى بنت مشاغبة للمدير

    فالمدير قالها انتى عملتى ايه

    قالتله رميت ورده من الشباك

    فالمدير قال للمدرس طب ايه المشكلة

    قال له المدرس ماهو انا لما طلعت من الفصل لقيت بنت مدغدغة ومكسرة فبقولها فيه ايه

    قالتلى ماهو انا ورده اللى اترمت من الشباك
    &&&&&&&&&&&&&&&&
    واحد دخل مستشفى المجانين ولقى المجانين معلقين واحد فى السقف وعملين يلفوا حولية

    ولمح واحد قاعد بعيد عنهم فراح سالة: هما الجماعة دوله بيعملوا إية

    قلة دوله جماعة مجانين فاكرين الرجل لمبة وبيلفوا حولية

    فقال له طيب تعالى ننزل الرجل دة

    فرد علية المجنون ياسلاآآآآم ونقعد فى الظلمة
    &&&&&&&&&&&&&&&&
    واحد ماكنش بيغير على مراتة خالص فراحت لجارتها وقالتلها جوزى مبيغرش عليا

    فقالتلها جارتها..خدى شبشب ابو حمادة حوتية ع الباب وفعلا حطتة جة جوزها قالها شبشب مين دة

    فقالتلة.. شبشب ابو حمادة

    فقالها رجعيهولو ليكون عايز ينزل

    استغربت وراحت لجارتها وقالتلها ولا عمل حاجة

    فقالتلها جارتها خدى بدلة ابو حمادة حوتيها ع السرير

    فاخدت البدلة وحتطها ع السرير ..... فجاء جوزها لقى البدلة فقالها خدى البدلة دى ورجعيها لابو حمادة

    فراحت لجارتها وقالتلها ولا عمل اى حاجة

    فقالتلها جرتها.. مفيش غير حل واحد وهو تاخدى ابو حمادة نفسة وتحطيه فى الدولاب

    فلما جية جوزها قالتلة انا عايزة اشترى فستان

    قالها منا لسة جايبلك فستان قالتلة طب تعالى نعد كده

    ففتح الدولاب وقالها أدي 1-2-3 تعالى كدة يا ابو حمادة شوية -4-5 ...
    &&&&&&&&&&&&&&&&
    واحده شافت جارتها فسألتها : إزاي جوزك الحاج؟

    فردت عليها وقالتلها : مش مات الاسبوع اللي فات

    كان في جنينة البيت بيحاول يطلعلي كرنبة من الأرض عشان نتعشى بيها

    فجاتله أزمة قلبية ومات في مكانه في الجنينه

    فقالت جارتها: يا عيني يا غلبانه .. وعملتي اييه في موقف زي ده ؟

    قالتلها : أبداً واللهِ عملت السلطه من غير كرنب وحياتك !!؟
    &&&&&&&&&&&&&&&&
    اتنين اصحاب
    فقالو هانقضى الويك اند فى تسلق الجبال وكان واحد منهم نطقه فى الكلام تقيل
    وهما طالعين اللى نطقه بطئ قال
    نننننننن ننننننننننننن ننننننننننن
    قاله ايه فيه ايه
    قاله
    ننننننننننننننن نننننننننننننن
    ياعم فيه ايه
    قاله
    ننننننننننننننن نننننننن
    قاله ياعم اسكت هاتضحكنى لما نطلع قولى اللى انت عايزه
    طلعو قاله ايه ياعم فيه ايه
    قاله
    ننننننننن نننننن نسيت الاكل تحت
    قاله الله يخرب بيتك ماقولتش ليه واحنا طالعين
    فنزلو وهما نازلين اللى نطقه تقيل اعد يقول
    ببببببببببب بببببببببببببب
    قاله ايه تانى
    قاله
    ببببببببببب ببببببببببب ببببببببب
    ياعم ايه قاله
    ببببببببببببب
    قاله ياعم اسكت لنضحك ونقع لما ننزل قولى انت عايز ايه
    لما نزلو قاله ايه ياعم فيه ايه
    قاله
    ببببببببب ببببببببب بهزر معاك
    &&&&&&&&&&&&&&&&
    أمسك الزوج بكف زوجته المريضة بحنان
    الزوجه : هتعمل ايه لو مت
    الزوج : هتبقى حياتى ملهاش طعم من غيرك
    الزوجه : هتتجوز
    الزوج : طبعاً لا
    الزوجه : حرام , انت صعب تعيش لوحدك , علشان خاطر أنام مرتاحة فى تربتى , لازم تتجوز
    الزوج : مش ممكن
    الزوجه : دى وصيتى الوحيدة , دور على واحدة طيبة واتجوزها
    الزوج :حاضر , بس بعد خمسين سنة , انتى مش هاتموتى دلوقتى ولا حاجة
    الزوجه : لا انت بتضحك عليا...
    .................
    الزوجه : طيب هتشيل صورتى من البيت وتحط صورتها ؟
    الزوج : مش ممكن أشيل صورتك من البيت ولا من قلبى
    الزوجه : طيب ما تشلش صورتى , بس ممكن تعلق صورته
    .................
    الزوجه : هتناموا على سريرى
    الزوج : مش ممكن يا حبيبتى حد ينام فى سريرك
    الزوجه : أبقوا غيروا أوضة النوم , ما هى قديمة أصلاً................
    الزوجه : طيب هتخليها تلبس لبسى ؟
    الزوج : يا حبيبتى مستحيل ده يحصل , هى أتخن منك بكتير

    &&&&&&&&&&&&&&&&
    محشش قال زوجته نكته قالة هههههههههههه بايخها قال لها ههههههههههه طالق
    &&&&&&&&&&&&&&&&
    في واحد أمه ادتو لسواق تكسي علشان يوصلو لمحل وقالت لسواق التاكسي لا تتكلم مع الولد علشان قليل ألادب
    فقلها طيب
    والسواق ماشي في الطريق قال الولد ياريت أبويا عصفور وأمي عصفورة علشان يجيبو عصفور صغير
    بعدين قال يا ريت أبويا غزال وأمي غزالة علشان يجيبو غزال صغير....
    وأستمر على هذا الحال الى أن اتنرفز السواق وقاله لوأبوك وأمك واطيين هيجيبو اية؟؟
    قال : يجيبو سواق تاكسي
    &&&&&&&&&&&&&&&&
    ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو
    معدي لقاه بيعيط تاني قالو انت بتعيط ليه رد اصلي اكتشفت ان اللي بحبها من عشرين سنه طلعت خرطوم
    &&&&&&&&&&&&&&&&
    اتنين قاعدين بيحششوا فوق السطوح
    الاول: الحق يا منير ابوك مات .. ، راح شدله حجرين وقعد يعيط
    بعد شوية الحق يا منير امك ماتت ... ، راح شدله حجرين تانى وقعد يعيط
    شويه يا منير الحق اخوك مات
    راح حادف الشيشة من ايده ووقف علي سور البلكونة و قال :لا ده هو اللي فاضلي ورمي نفسه
    وهو في الدور السابع افتكر انه مقطوع من شجرة ...وفي الدور التاني افتكر انه ماسموش منير أصلاً
    &&&&&&&&&&&&&&&&
    واحد ركب اوتوبيس قعد جنب واحد
    شويه وجه الكمسري يقول للراجل اللي جانبه تذاكر قاله ابونيه
    فماخدش منه فلوس.... فصاحبنا عجبته الفكرة قوى
    ركب مرة تانية مع مراته و ابنه
    فالكمسري قاله تذاكر قاله انا ابونيه و دي ام نيه و ده نيه بذات نفسه
    &&&&&&&&&&&&&&&&
    كل يوم الولد يرجع من المدرسة يقول لأبوه بابا أنا أخدت 10
    وابوه يقوله برافو عليك يا حماده
    وفضل على الحالة دى شهر لحد ما فى يوم رجع قال بابا أنا أخدت 3
    رد ابوه ليه كده أخص عليك يا حماده
    رد حماده ما هو ده اللى لاقيته فى جيبك يا بابا
    &&&&&&&&&&&&&&&&
    واحد بيقول لصاحبه أنا خايف أوى أصل أمى اتوحمت على كلب وحاسس انى عايز أهوهو وأعض الناس
    رد عليه صاحبه بهدوء: يا راجل دى خزعبلات
    أنا أمى اتوحمت على اسطوانة مشروخة ومحصليش حاجة حاجة حاجة حاجة حاجة حاجة حاجة حاجة حاجة

      الوقت/التاريخ الآن هو الإثنين يوليو 23, 2018 1:24 am