الظُلم شئ عادي
بأى موضة في بلادي
من عصر أجدادي
والظلم فينا حق !!
والسرقة شئ عادي
للوزرا في بلادي
والشرطة بتنادي
إحنا في خدمة شعب !!
إمسك حرامي يا بيه
دا سرقني ـ إبن الإيه ـ
والله لأبلغ عليه
وأشهد وأقول الحق
ـ وبعد التحريات ـ
حرامي وابن وزير
والباشا جابله عصير
نورتنا يا كبير
مقدرتش أقول لأ
غيرت في الأقوال
وحلفت ع الأفعال
انه ابن حلال
وانا تافه حقير
ـ وبعد إغلاق المحضر ـ
نورت السجن ليه ؟؟
وانا المجني عليه !!
أرجوك تقولي يا بيه
ليه الظلم الكبير !!
قالي أخرس يا واطي
بوس الجزمة
وطاطي
دا انت مُجرم خطير !!
ومضيت على المحضر
والبيه بيتمخطر
اللون دا يطلع إيه !!
يطلع يا بيه أخضر
أخضر دا لون الكوسة
مش تورتة ولا بسبوسة
دي سياسة المحروسة
لأزم أكيد تُصبر
دستورنا دا مُسالم
بشهادة الظالم
حتى ابيه سالم
قالي نفس الكلام
والغش مُش فينا
وضميرنا مالينا
ناقح قوي علينا
ودي موضة الأفلام !!
معلش يا قفايا
تاعبك قوي معايا
بُكرة تيجي نهاية
لكُل ظلم وشر
قالي نهاية مين !!
ينعل ابو التفكير
اللي يخلي حمير
تدفعنا للتغيير
ونقول للظلم لأ
أنا بحب الحكومة
والوزرا والنواب
دي ناس أكيد مظلومة
من حـِقد الكلاب !!
متقولش عايزين تغيير
عايزين نحارب تفكير
والله تطلع برميل
وتلبس الرواية
عارف هتلبس ايه يا زميل
انك هتنور الزنزانة
ممكن تطلع خاين ـ عميل
ـ وسلامنا للظُلم أمانة
بأى موضة في بلادي
من عصر أجدادي
والظلم فينا حق !!
والسرقة شئ عادي
للوزرا في بلادي
والشرطة بتنادي
إحنا في خدمة شعب !!
إمسك حرامي يا بيه
دا سرقني ـ إبن الإيه ـ
والله لأبلغ عليه
وأشهد وأقول الحق
ـ وبعد التحريات ـ
حرامي وابن وزير
والباشا جابله عصير
نورتنا يا كبير
مقدرتش أقول لأ
غيرت في الأقوال
وحلفت ع الأفعال
انه ابن حلال
وانا تافه حقير
ـ وبعد إغلاق المحضر ـ
نورت السجن ليه ؟؟
وانا المجني عليه !!
أرجوك تقولي يا بيه
ليه الظلم الكبير !!
قالي أخرس يا واطي
بوس الجزمة
وطاطي
دا انت مُجرم خطير !!
ومضيت على المحضر
والبيه بيتمخطر
اللون دا يطلع إيه !!
يطلع يا بيه أخضر
أخضر دا لون الكوسة
مش تورتة ولا بسبوسة
دي سياسة المحروسة
لأزم أكيد تُصبر
دستورنا دا مُسالم
بشهادة الظالم
حتى ابيه سالم
قالي نفس الكلام
والغش مُش فينا
وضميرنا مالينا
ناقح قوي علينا
ودي موضة الأفلام !!
معلش يا قفايا
تاعبك قوي معايا
بُكرة تيجي نهاية
لكُل ظلم وشر
قالي نهاية مين !!
ينعل ابو التفكير
اللي يخلي حمير
تدفعنا للتغيير
ونقول للظلم لأ
أنا بحب الحكومة
والوزرا والنواب
دي ناس أكيد مظلومة
من حـِقد الكلاب !!
متقولش عايزين تغيير
عايزين نحارب تفكير
والله تطلع برميل
وتلبس الرواية
عارف هتلبس ايه يا زميل
انك هتنور الزنزانة
ممكن تطلع خاين ـ عميل
ـ وسلامنا للظُلم أمانة
